Departamenti i Neurologjisë në Doctors Hospital Sarandë ofron kujdes të specializuar për diagnostikimin, trajtimin dhe ndjekjen e sëmundjeve të sistemit nervor qendror dhe periferik. Shërbimi ynë është i dedikuar për pacientët që përballen me çrregullime neurologjike, duke ofruar vlerësim të kujdesshëm klinik, diagnostikim të saktë dhe plane trajtimi të personalizuara.

Në departament trajtohen një gamë e gjerë patologjish neurologjike, përfshirë dhimbjet e kokës dhe migrenën, sëmundjet cerebrovaskulare, epilepsinë, sindromat vertiginoze, sëmundjen e Parkinsonit dhe çrregullimet e tjera të lëvizjes, neuropatitë periferike, cervikalgjinë, lumbalgjinë dhe sindromat radikulare. Gjithashtu ofrohet vlerësim dhe ndjekje për çrregullimet e kujtesës, sindromat demenciale dhe sëmundjet neuromuskulare.

Qëllimi ynë është të sigurojmë kujdes neurologjik cilësor, të bazuar në praktikat më bashkëkohore mjekësore, duke vendosur pacientin në qendër të çdo vendimmarrjeje terapeutike dhe duke kontribuar në ruajtjen e funksionit neurologjik dhe përmirësimin e cilësisë së jetës.