Dr. Aldo Beqiraj - Mjek Kardiolog

Dr. Aldo Beqiraj është mjek specialist në Kardiologji, me formim akademik në Universitetin e Mjekësisë Tiranë dhe përvojë të gjerë në diagnostikimin, trajtimin dhe parandalimin e sëmundjeve kardiovaskulare. Ai ka ushtruar aktivitetin e tij profesional në shërbime të specializuara të kardiologjisë klinike, reanimacionit kardiak dhe kardiologjisë invazive.

Gjatë karrierës së tij, Dr. Beqiraj ka punuar në laboratorë të koronarografisë dhe hemodinamikës, duke marrë pjesë në diagnostikimin dhe menaxhimin e pacientëve me sëmundje koronare dhe patologji komplekse të zemrës dhe enëve të gjakut. Përvoja e tij përfshin angazhimin në institucione të rëndësishme shëndetësore në Shqipëri, si Qendra Spitalore Universitare “Nënë Tereza”, Spitali Hygeia dhe Spitali Gjerman.

Përveç aktivitetit klinik, ai merr pjesë rregullisht në konferenca, trajnime dhe aktivitete shkencore kombëtare dhe ndërkombëtare, duke përditësuar vazhdimisht njohuritë e tij sipas zhvillimeve më të fundit në fushën e kardiologjisë. Gjithashtu, është i certifikuar si Lipidolog nga National Lipid Association, me ekspertizë të veçantë në diagnostikimin dhe trajtimin e çrregullimeve të lipideve dhe parandalimin e aterosklerozës.

Me profesionalizëm, përkushtim dhe komunikim të afërt me pacientët, Dr. Beqiraj synon të ofrojë kujdes kardiologjik cilësor, të sigurt dhe të orientuar drejt parandalimit, diagnostikimit të hershëm dhe trajtimit afatgjatë të sëmundjeve kardiovaskulare